Ministri i Shëndetësisë, Armend Zemaj ka thënë se në pakon për zbatimin e programit për rimëkëmbje ekonomike, Qeveria ka paraparë të ndaj edhe një fond rezervë për dhe rreth pandemisë COVID-19.
Zemaj ka ftuar deputetët që ta votojnë Projektligjin për Rimëkëmbjen ekonomike, transmeton Telegrafi.
“Në pakon për zbatimin e programit për Rimëkëmbjes ekonomike, Qeveria ka paraparë të ndaj edhe një fond rezervë për dhe rreth Pandemisë. I bëj ftesë edhe një herë deputetëve të Kuvendit të Kosovës që para interesave të veta ta vendosin interesin e qytetarëve dhe ta votojnë Projektligjin për Rimëkëmbjen ekonomike”, ka shkruar ai në Facebook.
Ministri ka thënë se kur bëhet fjalë për interesin e shtetit dhe qytetarëve duhet të tregohet pjekuri.
“Çdo herë kur bëhet fjalë për interesin e shtetit dhe qytetarëve, kemi ditë të tregojmë pjekuri e të punojmë bashkë. Andaj, është koha nesër ta dëshmojmë këtë. Ligji për Rimëkëmbjen Ekonomike i duhet vendit dhe shëndetësisë tone”, është shprehur Zemaj./Telegrafi/
