Zelensky pyetet nga gazetarja për armët që i nevojiten Ukrainës për t’u çliruar, përgjigjet Biden – reagimi i tij nxit të qeshura në sallë

Vizita e presidentit ukrainas Volodymyr Zelensky në SHBA, ishte një prej temave më të përfolura në mediat botërore.

Ai u takua në Shtëpinë e Bardhë me  Joe Biden, si dhe mbajti fjalim në Kongresin amerikan para ligjvënësve amerikanë, transmeton Telegrafi.

Megjithatë gjatë konferencës së përbashkët mes dy presidentëve – një gazetare i parashtroi pyetjen Zelenskyt, nëse SHBA-të do të furnizojnë Ukrainën me gjitha armët e nevojshme që të çlirojë territoret e pushtuara nga rusët.

E duke filluar t’i përgjigjet pyetjes së gazetares, ndërhyri Biden i cili tha shkurt “po” duke nxitur të qeshura dhe një pajtim nga ana e Zelenskyt.

Më pas ai vazhdoi të tregojë në detaje, sesi SHBA-të deri më tani kanë ndihmuar me shuma të majme parash si dhe armë të sofistikuara. /Telegrafi/