Deputeti i Nismës për Kosovën, Milaim Zeka, në seancën e Kuvendit të Kosovës ka folur lidhur me punën e bordeve të agjencive dhe ndërmarrjeve publike, ndërsa tha se nuk është normale që në një vend me kaq varfëri dikush ta ketë rrogën 6 mijë euro.
Zeka tha se ka ardhur në përfundim që shumica e punëve të zeza ‘shtikerat’ i kanë në Kuvendin e Kosovës.
Ai tha se krejt kjo katrahurë është pasojë e mospunës së deputetëve.
“… komplet bordet i kisha ndryshu, asnjë bord në Republikën e Kosovës, deri më sot nuk ka shkarkuar asnjë drejtor hajdut, pse sepse anëtarët e bordit kanë qenë më hajna se drejtorët, vjedh drejtori, vjedh bordi, vjedh bordi, vjedh drejtori, prandaj kanë bërë aleancë hajdutët me hajdutët dhe sa të vazhdojmë këtë aleancë kështu do të vazhdojë të rrëshqasim si nëpër skia, jam kundër kësaj por nuk kam çka të bëj përveç me i tregu popullit qe kanë e kanë zgjedhur në parlament”, tha Zeka.
Videon mund ta shikoni nga 1:08:23. /Telegrafi/
