Pak ditë pasi Presidenca i bëri kërkesë Prokurorisë për të verifikuar numrin që sipas saj i ka bërë presion zëdhënësit për media të presidentit Ilir Meta, Tedi Blushit, ky i fundit është thirrur në prokurori.
Sipas Presidencës, personi që ka telefonuar Tedi Blushin, i ka kërkuar që të fshijë një status në rrjetet sociale të bërë për shkak të detyrës.
Meta sulmoi edhe diplomatët e huaj në Shqipëri duke i bërë përgjegjës për këtë kërcënim.
Presidenti Meta u shpreh se zëdhënësi i tij ishte shantazhuar në emër të një ambasade të huaj. Sipas tij shantazhi kishte ardhur vetëm 30 minuta pas statusit të bërë nga Blushi në përgjigje të ambasadës amerikane duke i quajtur ndërkombëtarët grup të strukturuar diplomatik. /TCH/