Fitnesi David Lloyd ka prodhuar një koleksion kostumesh të papërshkueshëm nga uji, i cili u lejon përdoruesve të kalojnë pa probleme nga hapësira e tyre e punës në pishinë dhe të kthehen përsëri.
David Lloyd i prodhuan veshjet pas reagimeve nga anëtarët të cilët thanë se kishin vështirësi për t’i përshtatur ushtrimet në rutinat e tyre të përditshme të ngarkuara.
Koleksioni “Swim Suit” i papërshkueshëm nga uji është bërë nga pëlhurë e specializuar rezistente ndaj ujit, hidrofobike, ku çdo veshje kërkon më shumë se tre javë për t’u krijuar.
I projektuar për të lejuar punëtorët të shkojnë nga tavolina në zhytje dhe përsëri, koleksioni mund të vihet në dispozicion të publikut së shpejti, bazuar në kërkesa, përcjell Telegrafi.
Ai vjen pasi një sondazh, me 2,000 punonjës zyre, zbuloi se ata shpenzojnë mesatarisht katër orë e 35 minuta në javë në takime.
Dhe 80% shpenzojnë deri në pesë orë rresht në takime të njëpasnjëshme – duke kaluar një pjesë të madhe të ditës së tyre.
Ndërsa një masë e madhe prej 81% e pranuan se përpiqen t’i shmangin këto lloj takimesh kur është e mundur.
Jo vetëm kaq, por njerëzit gjithashtu duhet të punojnë mesatarisht tre orë e 15 minuta jashtë orarit të punësuar me kontratë.
Kjo do të thotë se pothuajse gjysma duhet të anashkalojnë aktivitetet e tyre të fitnesit dhe mirëqenies për shkak të orarit të punës.
Nga ata që ushtrojnë, vetëm 18% e bëjnë këtë në pushimin e drekës, ndërsa gjysma zgjedhin ta bëjnë pas orarit të punës. /Telegrafi/