Kompania Tesla Motors, për herë të parë ka publikuar një video nga fabrika e saj, në të cilën tregon se si bëhet prodhimi i veturave elektrike.
Fabrika e kompanisë Tesla Motors është një nga më të përparuarat në botë. Ajo gjendet në Fremont, Kaliforni, dhe mbulon një sipërfaqe prej gati gjysmë milionë metra katrorë, transmeton Telegrafi.
Videoja e quajtur “Simfonia e robotëve duke ndërtuar Model X”, zgjat vetëm 15 sekonda dhe në çdo moment shfaqen robotët të cilët më precizitet të plotë montojnë veturat.
Pronari i Tesla Motors, Elon Musk, zakonisht është shumë i fshehtë në lidhje me atë që ndodhë në fabrikat e tij, kështu videon të cilën e ka publikuar në internet është e para, dhe tregon se si prodhohen veturat elektrike, në veçanti modeli i ri i Model X. /Telegrafi/