Roma ka pranuar që Andrea Belotti të kalojë në huazim te Fiorentina deri në fund të këtij sezoni.
Viola nuk do të ketë opsionin e blerjes permantet, ndërsa do të jetë vetëm një huazim i thjeshtë.
Në anën tjetër, Roma do të fitojë 750 mijë euro nga huazimi i Belottit, ndërsa lojtari është nisur për testet mjekësore.
Fiorentina do ta shpall zyrtarisht marrëveshjen nesër (1 shkurt), në ditën e fundit të afatit kalimtar.
Belotti deri më tani në këtë sezon ka shënuar gjashtë gola në 22 paraqitje në të gjitha garat.
Kontrata e tij me Romën skadon në qershor të vitit 2025, ndërsa në verë do të përcaktohet fati i tij. /Telegrafi/