Festivali i njohur “Kënga Magjike” ka mbaruar me sukses dy netët e tij të para gjysmëfinale, teksa pret që nesër (e shtunë) të zhvillojë natën e madhe finale, në Pallatin e Kongreseve.
Shumë emra të njohur performuan në “Skenën e Yjeve”, siç është quajtur këtë vit për shkak të skenografisë, duke dhuruar emocione nga më të ndryshmet te publiku.
Një kuriozitet të madh zgjon te publiku edhe votimi, ngase fituesi në këtë festival vendoste nga vet artistët pjesmarrës, të cilët votojnë njëri-tjetrin.
Por si shkon kjo mënyrë votimi?
Të gjithë artistët kanë mundësinë të votojnë 25 këngëtarë, 22 këngëtarët e parë i votojnë me pikët prej 1-22, vendit të tretë duhet t’i japin 24 pikë, vendit të dytë 26 pikë, gjersa vendin e parë duhet ta vlerësojnë me 30 pikë.
Këngëtarët kanë votuar sot (e premte) në Pallatin e Kongreseve, teksa njëri prej tyre ka publikuar edhe fletën e votimit në Instagram Story, por duke mos zbuluar emrat për të cilët voton.
Ka qenë Alban Ramosaj ai i cili ka publuar këtë foto, duke treguar se është ndjerë mjaft i emocionuar gjatë dhënies së këtyre pikëve.
Mbetet të shihet se kë do nxjerrë fitues të edicionit të 18-të këtij festivalit nata e nesërme. /Telegrafi/