Është zbuluar lista prej dhjetë portierëve më të vlefshëm në botën e futbollit, ku jashtë saj kanë mbetur disa emra të njohur për komunitetin sportiv.
Gjatë viteve, klubet kanë shpenzuar shuma të mëdha parash për të transferuar një portier i cili mund t’i fitojë atyre ndeshjet.
Në vitin 2018, Liverpooli theu rekordin për portierin më të shtrenjtë në histori të futbollit, kur paguan 62 milionë euro për transferimin e Alisson Becker nga Roma.
Sidoqoftë, ajo shumë u tejkalua në afatin e njëjtë kalimtar të transferimeve, kur Chelsea e bleu Kepa Arrizabalagan për 80 milionë euro nga Athletic Bilbao.
Tani, dhjetë portierët më të vlefshëm në botën e futbollit janë zbuluar nga Transfermarkt.
Aty nuk kishte vend për emra si Alisson dhe Kepa, pasi numri një i Portos, Diogo Costa, zuri vendin e parë në këtë listë, teksa kartoni i tij vlen rreth 45 milionë euro.
Mike Maignan i Milanit gjithashtu vlerësohet rreth 45 milionë euro, ndërsa treshja kompletohet me portierin italian, Gianluigi Donnarumma i cili vlen rreth 40 milionë.
Pas tij vijnë emra si Gregor Kobel, Ederson dhe Andre Onana, që po ashtu edhe kartoni i tyre ka vlerën e 40 milionë eurove.
Lista e plotë e dhjetë portierëve më të vlefshëm në botë:
1.Diogo Costa – FC Porto – 45 milionë
2.Mike Maignan – AC Milan – 45 milionë
3.Gianluigi Donnarumma – PSG – 40 milionë
4.Gregor Kobel – Borussia Dortmund – 40 milionë
5.Ederson – Manchester City – 40 milionë
6.Andre Onana – Manchester United – 40 milionë
7.David Raya – Arsenal/Brentford – 35 milionë
8.Jan Oblak – Atletico Madrid – 35 milionë
9.Thibaut Courtois – Real Madrid – 35 milionë
10. Marc Andre Ter Stegen – Barcelona – 35 milionë
/Telegrafi/