Këngëtarja e talentuar Dafina Zeqiri ka qenë shpesh në qendër të vëmendjes së medias rozë për shkak të performancave të saj të fuqishme dhe jetës personale të ngjyrosur.
Së fundmi, ka pasur zëra që qarkullojnë rreth mundësisë së një lajmi të gëzueshëm – se këngëtarja mund të jetë shtatzënë.
Mirëpo, emisioni “Prive” ka konfirmuar se këto spekulime nuk përputhen me të vërtetën.
Sipas burimeve të emisionit, të cilat kanë hetuar dhe janë informuar rreth jetës së Dafinës, thuhet qartë se këngëtarja nuk pret fëmijë në këtë moment të jetës së saj.
Dafina, e cila është një nga zërat më të njohur të skenës muzikore shqiptare, në vend të kësaj, po e shijon jetën dhe po vijon të zhvillojë karrierën e saj muzikore.
Përtej mohimit të lajmeve për shtatzëninë, Dafina vazhdon të jetë në një lidhje të lumtur me partnerin e saj, Kreshnik Gjergjin. Çifti është parë shpesh të ndajnë momente dhe imazhe të lumtura së bashku në rrjete sociale, duke treguar hapur dashurinë dhe harmoninë që ndajnë. /Telegrafi/
