Më në fund është zbardhur ndarja e shpërblimit prej 3 milionë euro për Kombëtaren shqiptare pas kualifikimit për në “Euro 2016”.
Gazeta “Panorama Sport” shkruan se shumë është shpërndarë për 32 lojtarë të Kombëtares që kanë qenë pjesë e Shqipërisë gjatë këtyre kualifikueseve.
Shuma prej 3 milionë eurosh që është vënë në dispozicion si premio për Kombëtaren është ndarë për lojtarët në “dy kategori”.
Në të vërtetë, nga kjo shifër duhen zbritur përafërsisht 600 mijë euro, që është shuma e përafërt që hiqen si taksa të detyrueshme për t’i kaluar arkave të shtetit.
Ndarja-Ata që kanë shumë minuta aktivizim dhe kontribut, pra “titullarët” dhe pjesa e mbetur e lojtarëve, mes të cilëve ka edhe nga ata që nuk kanë asnjë ndeshje aktivizim. Në të parën, listë numëron përafërsisht 19 lojtarë, ndërkohë që në të dytën janë 13.
Sipas asaj që ka mësuar gazeta, grupit të lojtarëve kryesorë i është akorduar nga rreth 90 mijë euro secilit. Ndërkohë që pjesës tjetër të futbollistëve nga rreth 40 mijë euro.