Në vitin 2015, Martin Odegaard pushtoi botën e futbollit me talentin e tij dhe Real Madridi e transferoi atë me vetëm 16 vite.
Mesfushori norvegjez kishte një zgjedhje midis Madridit dhe Bayern Munich të Pep Guardiolës, duke vendosur përfundimisht të transferohej në kryeqytetin spanjoll.
Pasuan një seri huazimesh me shkallë të ndryshme suksesi dhe vetëm vite më vonë Odegaard gjeti bazën e tij pasi nënshkroi për Arsenalin duke u bërë lider i skuadrës londineze dhe njëkohësisht kapiten.
Michael Reschke, një ish-skaut i Bayernit, beson se mesfushori nuk do të duhej të priste kaq gjatë nëse do të kishte nënshkruar për gjigantët e Bundesligës dhe do të luante nën drejtimin e Guardiolës.
Reschke tha për The Athletic se Odegaard kishte kryer edhe stërvitje te Bayernit, por në fund ai vendosi të transferohej te Real Madridi.
“Në moshën 16-vjeçare, Odegaard stërviti me Pep, i cili ishte krejtësisht i impresionuar pas stërvitjes së parë. Unë hyra në dhomën e zhveshjes dhe Pep po fliste se sa inteligjent ishte dhe se si do të përmirësohej”.
“Odegaard ishte lloji i lojtarit që Pep e donte. Ai ishte plotësisht i bindur. Ne të dy ishim shumë të sigurt se donim ta nënshkruanim me të, por ai kishte vendimin mes Real Madridit dhe Bayernit”.
“Kam pasur një dhuratë në jetën time profesionale, duke punuar me Pep për dy vite. E pashë atë të punonte me lojtarë si Kingsley Coman dhe nëse je një lojtar i ri dhe i talentuar”.
“Një gjë është shumë e sigurt, Guardiola do t’ju bëjë një lojtar më të mirë, lojtar më të mirë që mund të jeni. Ai nuk është nga kjo botë si trajner. Jam i sigurt se nëse Martin do të kishte punuar me Pep, ai do të kishte bërë disa hapa më herët”, deklaroi Reschke. /Telegrafi/