Policia e New Yorkut në Bronx ka arrestuar gjatë natës tre emigrantë që po vidhnin celularë, raporton abcnews.
Ata lëshuan një urdhër kërkimi për një vendndodhje që besohet të jetë streha e hajdutëve, transmeton Telegrafi.
Ata pritet të dënohen për vjedhje. Autoritetet thanë se të gjithë të dyshuarit janë shtetas të Venezuelës.
Burrat ishin të lidhur me 62 vjedhje në të cilat u vodhën celularë femrave. Hetuesit besojnë se hajdutët vodhën celularë për të hyrë në informacionin e kartës së kreditit.
“Shumica e emigrantëve vijnë në New York në kërkim të një jete më të mirë. Për fat të keq, disa vijnë si kriminelë”, shkroi ndihmësi i nënkolonelit të policisë Kaz Daughtry.
“Sot, ne hodhëm një hap të madh për të shtypur serinë më të madhe të grabitjeve në qytetin tonë. Mesazhi ynë është i thjeshtë, nëse kryeni një krim në qytetin tonë, ne do t’ju gjejmë dhe do t’ju nxjerrim para drejtësisë”, tha ndër tjera.
Këto arrestime janë rasti i dytë i rëndësishëm që përfshin emigrantë në javët e fundit. Javën e kaluar, gjashtë azilkërkues u arrestuan për sulmin ndaj policisë në Times Square. Disa nga të dyshuarit nga ai rast janë ende në kërkim. /Telegrafi/
Most migrants come to NYC in search of a better life. Sadly, some come to commit crimes.
While the rest of NYC was sleeping, @NYCMayor @NYPDChiefPatrol@NYPDDetectives joined @NYPDnews investigators & specialized teams as we carried out a search warrant — booming a door and… pic.twitter.com/PVUJid3GoM— NYPD Assistant Commissioner Kaz Daughtry (@NYPDDaughtry) February 5, 2024