Këngëtarja e njohur Zanfina Ismaili, tash e sa kohë është duke i munguar skenës, e ndërsa i është përkushtuar profesionit tjetër të saj, juridikut.
Zanfina ka qenë shumë aktive në skenë për vite me radhë, teksa mbështetja e saj më e madhe, gjithmonë ka qenë mamaja e saj, e ndjera Mona Ismaili.
Data 1 shtator i kujton Zanfinës dhe dy motrave të saj gjithnjë ditëlindjen e nënës së tyre, të cilën e kujtojnë në mungesë të saj tash e dy vite.
Zanfina së fundmi publikoi edhe një fotografi nga arkivat në InstaStory, ku shfaqej bashkë me të ëmën.
Në mbishkrimin e fotografisë, Ismaili shkruan se sa shumë e ndjen mungesën e të ëmës dhe se si do të donte që në një ditë si kjo të ishin bashkë.
“Urime ditëlindja, mami! Kisha dashtë të kishim qenë bashkë me festu sot! Gjithmonë do jesh mungesa ime më e madhe”, ka shkruar ajo në mbishkrimin e fotografisë.
E njëjta, më pas ka treguar se ka pranuar një dhuratë mjaft të veçantë për këtë rast, një varëse të gdhendur me emrin e Monës. /Telegrafi/
