Këngëtarja e njohur Zanfina Ismaili ka treguar kohëve të fundit se më nuk do të jetë edhe aq aktive në muzikë.
Ajo i është përkushtuar profesionit të saj si juriste, gjë edhe për të cilën ka studiuar.
Së fundmi, Ismaili është involvuar në projektin e skijimit “Borea”, i paraparë të ndërtohet në Bjeshkët e Pejës.
E angazhuar si juriste në këtë projekt, këngëtarja në faqen e saj në Instagram ka paralajmërur inaugurimin e kantjerit që shënon fillimin e implementimit të këtij projekti.
Data kur do të ndodhë kjo është 7 shtator, dhe e pranishme në inaugurim do të jetë edhe vet artistja.
Zanfina për një kohë të gjatë ka qenë shumë aktive në muzikë, ndërsa kohëve të fundit duket se e ka gjetu veten më së miri në profesionin e ri. /Telegrafi/