Interi i ardhshëm do të jetë shumë i ngjashëm me atë aktualin, sepse klubi zikaltër po mendon të ruajë grupin aktual, duke afruar disa blerje mjaft cilësore.
Një blerje e tillë është ajo e mesfushorit Ever Banega, i cili është liruar nga Sevilla dhe tashmë është një lojtar i Interit, siç konfirmon edhe zëvendëspresidenti zikaltër, Javier Zanetti.
“Banega është një lojtar i rëndësishëm, i cili ka personalitet dhe shumë cilësi, është një lojtar i kombëtares argjentinase prej shumë kohësh. Besoj se në çdo skuadër do të shkëlqente, ndaj jemi të lumtur që e kemi marrë”.
Ndërkaq, nga grupi aktual mund të ketë ndonjë shitje, duke nisur nga portieri Handanovic, por Zaneti “blindon” një sulmues.
“Baza e skuadrës është, tani na duhet disa blerje cilësore, por duhet të shesim ndokënd, para se të blejmë. Gjithsesi, Icardi do të qëndrojë, është kapiteni ynë dhe e ka thënë edhe ai që nuk dëshiron të largohet”, ka nënvizuar Zanetti. /Telegrafi/