“Maqedonia e Veriut duhet t’i zbatojë reformat e nevojshme për t’i përmbushur kushtet nëse dëshiron të fillojë negociatat për anëtarësim në BE”.
Këtë e deklaroi ish-ministrja e Punëve të Jashtme e Bullgarisë, Ekaterina Zakharieva, e cila është edhe kryetare e Komisionit për politikë të Jashtme në Kuvendin e Bullgarisë.
Siç raporton BGNES, komenti i saj vjen në prag të ndryshimeve kushtetuese që duhet të bëhen në Maqedoninë e Veriut për futjen e bullgarëve në Kushtetutë.
Ajo iu bëri thirrje autoriteteve në Maqedoni që të mos frikësohen nga ndryshimet.
“Ndryshimi i Kushtetutës së RMV-së nuk është punë e madhe. Bullgarët janë pjesë e realitetit të RMV-së dhe kjo duhet të pranohet”, tha Zakharieva.
Ajo gjithashtu tha se është në të mirë të të dy vendeve që të hapin faqe të re të marrëdhënieve midis tyre./Telegrafi/