Anëtari i Lëvizjes Vetëvendosje, Arbër Zaimi pas takimit të LVV-së me Lidhjen Demokratike të Kosovës, ka njoftuar se ka opsione tjera në tavolinën e bisedimeve mes këtyre dy subjekteve.
Zajmi i quajti “spekulime pa lidhje” dhe “rrena” raportimet e medieve se nuk do të ketë më takime, ndërsa tha se bisedimet janë më intensive se kurrë më parë.
Ai tha po ashtu se ka lëvizje por ende nuk kanë arritur marrëveshje.
Sipas tij marrëveshja do të marrë më shumë kohë, pasi ata nuk dëshirojnë marrëveshje të padrejtë.
“Bisedimet mes LV e LDK janë duke u zhvilluar, intensive si kurrë më parë. Ka opsione të reja në tavolinë, ka edhe lëvizje, por ende nuk ka marrëveshje. Do të marrë kohën e vet marrëveshja, sepse ne nuk dëshirojmë marrëveshje të padrejtë”, shkruan Zaimi. /Telegrafi/
