Deputeti i NISMA-së për Kosovën, Zafir Berisha ka thënë se marrëveshja e demarkacionit në mes të Kosovës dhe Malit të Zi nuk do të marr votat e nevojshme në Parlamentin e Kosovës as pas riprocedimit.
Berisha në emisionin Infobox të RTV Dukagjini ka thënë se deputetet tani janë më të bindur për votën e tyre kundër kësaj marrëveshje, madje është shtuar edhe numri i deputetëve të PDK-së që janë kundër.
Berisha presidentin Thaçi e ka quajtur e zeza e Kosovës dhe për vendimet që ai merr duhet të jap përgjegjësi para ligjit.
Por, nëse një çështje si kjo kalon në Kuvendin e Kosovës, Berisha ka thënë se ekziston rreziku për një konflikt të armatosur.
Sipas tij, për tokë shqiptarët shumë herë kanë luftuar.
Berisha ka thënë se e vetmja zgjidhje për vendin është prishja e këtij koalicioni, të cilin e quan të korruptuar dhe shkuarja në zgjedhje. /RTV Dukagjini-Telegrafi/
