Misioni i kësaj qeverie është promovimi i sportit në Republikën e Maqedonisë, me vëmendje të veçantë tek talentet e rinj të sportit. Sporti është ambasadori më i mirë sidomos për vendet e vogla. Është e rëndësishme që ne të motivojmë qytetarët, sidomos të rinjtë që të marrin pjesë në sport, përcjell Telegrafi Maqedoni.
Këtë e theksoi kryeministri Zoran Zaev, i cili në prag të këtij maratoni “Viz er Maratona e Shkupit” sot u takua me kampionen botërore dhe promovuesen kryesor të maratonës, Paula Radcliffe dhe përfaqësuesve të organizimit të kësaj ngjarjeje.
Sipas shërbimit të shtypit të qeverisë, Zaev i informoi mysafirët me planin për zhvillimin e sportit në Maqedoni përmes ndryshimeve ligjore, të cilat ndër të tjera përfshijnë mekanizma për nxitjen e taksave për kompanitë që do të investojnë në zhvillimin e sportit në Republikën e Maqedonisë.
Në takim morën pjesë edhe drejtori i Agjencisë për Rini dhe Sport, Darko Kaevski dhe këshilltarët për sportin dhe të rinjtë Gorgji Tasev dhe Daniel Dimevski. /Telegrafi/