Ish-kryeministri dhe kreu i LSDM-së, Zoran Zaev në emisionin ‘Utrinski brifing’, tha se gjatë këtyre viteve e kanë pasur të vështirë me BDI-në.
“Ata gjatë kohë kanë qenë në pushtet, 17 vitet e bëjnë të veten, janë bërë të fuqishëm, dhe është mirë që BDI të reformohet pasi të kalojë në opozitë, është e mirë edhe për ato, për shtetin, është mirë të reformohet edhe OBRM-PDUKM”, tha Zaev, përcjell Telegrafi Maqedoni.
Ai tha se koncepti një shoqëri për të gjithë është i tyre dhe se njerëzve u duhet kohë, përfshirë këtu edhe shqiptarët edhe maqedonasit.
“Kjo është koalicioni i parë multi-etnik, 32 parti qëndruan pas kandidaturës së Stevo Pendarovskit dhe vazhdojmë të rritemi, si parti politike dhe si koalicion. Për mua është sukses nëse BDI-në dhe Aleancën i fitojmë në njësinë zgjedhore numër gjashtë. Sipas vlerësimeve tona ne duhet të kemi 6 apo 7 deputet, për dallim prej tyre që do të kenë deri në 5 deputet, për shkak se synojnë vota shqiptare, ndërsa OBRM-PDUKM mund të fitojë 2 deri 3 deputetë në njësinë numër gjashtë për shkak se synojnë vota maqedonase. Që moti i thash Mickoskit se po humbasin nëse vazhdojnë me politikë destruktive”, theksoi Zaev.
Sipas tij, këto zgjedhjet dhe kjo fushatë zgjedhore janë ndryshe, për shkak se nuk premtime se do të jemi pjesë e NATO-s dhe BE-së për arsye se kjo çështje ka përfunduar.
“Jemi pjesë e NATO-s, fillojmë edhe bisedimet me BE-në. Me fqinjët tani jemi miq dhe presim mbështetjen e tyre në proceset e ardhshme. Ne jashtë i përfunduam punët, tani garën e bëjmë brenda. Tani s’ka shqiptarë, Bullgari, Greqi, NATO, tani punojmë për ekonomi. Fokusi ynë është te reformat e brendshme”, tha Zaev./Telegrafi/