Telegrafi

Zaev sy më sy me të burgosurit që vuajnë denimin në burgun me kushte jonjerëzore (Foto)

Kryeministri i Maqedonisë sot ka qenë në mesin e të burgosurve në e Idrizovës ku ka parë nga afër së bashku me Avokatin e Popullit kushtet e të burgosurve dhe mënyrën se si ato vuajnë dënimet.

Zaev tha se qëllimi i tij është që të shohë nga afër kushtet për të cilat ka pasur edhe kritika të njëpasnjëshme nga BE dhe autoritet gjyqësore evropiane, shkruan Telegrafi Maqedoni.

“Më vjen turp që jam kryeministër i një shteti me burg të këtillë. Unë jam për ligje për amnisti, shpresoj që sa më shpejtë të futet në procedurë qeveritare dhe kuvendore. Në Idrizovë janë 1800 të burgosur, ndërsa kapaciteti është vetëm për 800 persona”, deklaroi Zaev.

    

Zaev shtoi se në Idrizovë kushtet janë për 850 të burgosur, ndërsa momentalisht atje dënimin vuajn 1850 të burgosur, përcjell Telegrafi Maqedoni.

Një nga zgjidhjet sipas Zaevit është ligji për amnisti, temë e cila siç tha, tashmë është hapur. Disa OJQ kanë hapur debatin, ndërsa Avokati i Popullit dhe Ministria e Drejtësisë do të kenë mendimin e tyre.

Zaevi theksoi se Qeveria dhe Parlamenti janë të përgatitur për zgjidhje të shpejtë të kushteve të jonjerëzore në burgun e Idrizovës. /Telegrafi/