Marrëveshja Kornizë hodhi themelet mbi të cilat ne si qeveri e sapoformuar në vitin 2017 ndërtojmë shoqërinë tonë të përbashkët, një dhe të barabartë, duke përfshirë respektimin e barabartë të të gjitha identiteteve etnike dhe interesave të të gjithë qytetarëve që jetojnë këtu, tha Kryeministri Zoran Zaev në fjalimin e tij në konferencën “Pas Ohrit” me rastin e 20 vjetorit nga nënshkrimi i Marrëveshjes Kornizë.
Pas Ohrit, theksoi Zaev, vendi ynë po ndërton politika të pjekura, dhe në vend të konflikteve ne po flasim për përparimin ekonomik në vendin tonë dhe promovimin e marrëdhënieve të mira fqinjësore, dhe së bashku me fqinjët tanë ne po krijojmë një Ballkan të Hapur.
“Pas Ohrit, të gjithë së bashku, pavarësisht nga përkatësia jonë etnike, kombëtare, fetare, sociale dhe kulturore, ne kemi ndërtuar një shoqëri të barabartë ku të gjithë mund të gjejnë prosperitet dhe një të ardhme më të mirë.
Më vjen mirë që pas 20 vitesh po diskutojmë të gjitha këto përfitime. Një nga përfitimet më të rëndësishme është se përmes dialogut ne organizojmë jetën tonë, së bashku të përkushtuar ndaj secilit individ, familje dhe qytetar”, tha Zaev.
Në vitin 2017, theksoi Zaev, prioritet ynë ishte t’i jepnim jetë Marrëveshjes dhe miratoi ligjin për përdorimin e gjuhëve, e cila plotësoi dispozitat e Marrëveshjes Kornizë të Ohrit/Telegrafi/