Me bekimin dhe Tomosin për autoqefalinë e KOM-KO që Kisha Ortodokse Serbe i dërgoi Patriarkanës Ekumenike, nuk ka më asnjë pengesë dhe presim që Patriarku Bartolomeu ta shpallë zyrtarisht KOM-KO autoqefale. Le të jetë për shumë vite kjo ditë e madhe, historike për Ortodoksinë dhe shtetësinë maqedonase, ka shkruar në Facebook ish-kryeministri Zoran Zaev.
Ai theksoi se populli maqedonas dhe të gjithë qytetarët, të gjithë së bashku kemi vendosur të jetojmë në paqe, unitet, harmoni dhe përparim.
“Ne vendosëm të zgjidhim problemet dhe të krijojmë një të ardhme. Marrëveshja e Prespës, anëtarësimi në NATO, Ballkani i Hapur dhe politikat e fqinjësisë së mirë janë arsyeja që sot populli maqedonas nuk e ka problem as emrin e vendit të tij maqedonas, as me kishën e tij ortodokse maqedonase – Kryepeshkopatën e Ohrit, as me sigurinë e saj.
Jetojmë dhe do të jetojmë në harmoni me vëllezërit dhe motrat tona ballkanase, e përfundojmë plotësisht pavarësinë tonë shpirtërore dhe shtetërore”, ka shkruar Zaev./Telegrafi/