Kryetari i LSDM-së, Zoran Zaev pas mbledhjes së LSDM-së tha se ka nisur procedura për zgjedhjen e kandidatëve për deputetë për zgjedhjet kuvendare dhe se procesi i përzgjedhjes së kandidatëve do të jetë transparent, përfshirës dhe profesional.
Procedura për zgjedhjen do të fillojë në bazë në këshillat komunal që propozojnë kandidatët e tyre por do të ketë mundësi edhe për vetëkandidim, përcjell Telegrafi Maqedoni.
Listat përfundimtare, sipas statutit të partisë do të vërtetohen në Kongresin e LSDM-së.
“LSDM dëshmoi se po ndërmerr masa të guximshme dhe vendimtare kur bëhet fjalë për demokracinë, lirinë dhe kthimin e shtetit në duar të qytetarëve. Krijuam koncept për Qeveri të hapur, mundësuam ambient për media të lira me liri të garantuar që pranohet edhe nga faktorët ndërkombëtarë”, tha Zaev.
Ai theksoi se në Kuvendi tashmë është vendi ku miratohen ligje në interes të qytetarëve dhe vend i demokracisë dhe i qyetetarëve dhe jo vend ky thyheshin koka./Telegrafi/