Telegrafi

Zaev nesër do ta kërkojë mandatin nga Ivanovi

Kryetari i LSDM-së, Zoran Zaev, me 67 nënshkrime të deputetëve sipas informacioneve të “Faktor” nesër do të shkojë tek presidenti i shtetit, Gjorge Ivanov, për të kërkuar mandatin e formimit të qeverisë së re, përcjell Telegrafi Maqedoni.

“Vijon një periudhë ku do të përkushtohemi në vendosjen e një programi cilësor qeveritar që do ta realizojnë politikanë të përgjegjshëm, që do të udhëheqin politika reale, ashtu siç zgjodhën qytetarët e Maqedonisë”, thanë nga Lidhja Socialdemokrate e Maqedonisë.

Kryesia Qendrore e LSDM-së, dje vendosi që Zaev të jetë mandatar për formim të qeverisë së re. Përkrah 10 nënshkrimeve të BDI-së, Zaev do t’i ketë edhe pesë nënshkrimet e Besës dhe 3 të Aleancës për Shqiptarët.

Nga partitë shqiptare edhe pse janë shprehur të gatshme për ta mbështetur me nënshkrime Zoran Zevin, asnjëra nuk janë deklaruar se do të jenë pjesë e qeverisë së re me LSDM-në. Ata thonë se për pjesëmarrjen në qeveri do të diskutojnë ditëve në vijim./Telegrafi/