Telegrafi

Zaev në Serbi: Gëzohemi për sukseset e fqinjëve tanë (Video)

Kryeministri Zoran Zaev, me ftesë të presidentit serb Aleksandar Vuçiq, mori pjesë në ceremoninë e hapjes së autostradës së re 26 kilometra, e cila kalon nëpërmes grykës së Grdelliçka nga Korridori 10.

Me këtë rast edhe kryeministri Zaev mbajti një fjalim në të cilin shprehu mirënjohjen e tij të madhe për ftesën për të qenë pjesë e një ngjarjeje të rëndësishme në Republikën e Serbisë dhe kështu, siç tha ai, për vendin tonë dhe për rajonin.

“Gëzohemi me përpjekjet e suksesshme të të gjithë fqinjëve tanë. Tani, kur e shohim se sa madhështore duket kjo zgjidhje moderne e autostradës, e cila në një pjesë kalon nëpër një nga seksionet më të vështira për shkak të grykës Grdelliçka, përgëzimet për suksesin fitojnë rëndësi më të madhe. Kjo është kur punon me zell dhe me vetëdije. Rezultatet janë të dukshme. Tani, qytetarët tanë, qytetarë e të dyja vendeve, si dhe qytetarë evropianë, kanë zgjidhje rrugore nga porta veriore deri në portën jugore të Bashkimit Evropian”, tha Zaev.

Zaev tha gjithashtu se zvogëlimi i distancës fizike dhe tokësore midis qyteteve kryesore të Maqedonisë së Veriut dhe Serbisë është e përshtatshme për miqësinë dhe familjarizmin midis dy popujve që mbajnë në zemrat e tyre.

“Korridori 10 tani duket me të vërtetë. Një vlerë e vërtetë evropiane e lidhjes dhe komunikimit. Në territorin e Republikës së Maqedonisë së Veriut, ajo u krye vitin e kaluar kur kemi vënë në funksion pjesën Demir Kapi-Smokvica, me gjatësi prej 28 km”, tha Zaev./Telegrafi/