Delegacioni qeveritar i kryesuar nga kryeministri Zoran Zaev do të qëndrojë në New York prej sot deri ditën e shtunë, ku do të marrë pjesë në Asamblenë e 74-të të Përgjithshme të Kombeve të Bashkuara. Sipas burimeve greke, nesër do të mbahet takimi Zaev-Mitsotakis.
Ky do të jetë takimi i parë i dy kryeministrave që kur Kyriakos Mitsotakis fitoi zgjedhjet e mbajtura në fillim të korrikut në Greqi.
Agjenda e kryeministrit Zaev përfshin gjithashtu një takim zyrtar me Sekretarin e Përgjithshëm të Kombeve të Bashkuara, Antonio Guterres, si dhe pjesëmarrja e kryeministrit me ftesë të Presidentit të SHBA-ve, Donald Trump dhe gruas Melania për të shënuar Asamblenë e 74-të të Përgjithshme të Kombeve të Bashkuara.
Fjalimi zyrtarë i kryeministrit Zaev në Asamblenë e Përgjithshme të Kombeve të Bashkuara është planifikuar në mëngjesin e ditës së shtunë./Telegrafi/