Kryeministri i vendit Zoran Zaev, sot në një intervistë për “Sllobodna TV” ka folur në lidhje me veton e Bullgarisë, si dhe mundësitë për ta zgjidhur këtë kontest.
Zaev tha se nuk ka zgjidhje tjetër, përveç që të arrihet marrëveshje me Bullgarinë dhe të nisen negociatat për anëtarësim në BE.
“Në vitin 2019 e ftova popullin në zgjedhje të tregojë nëse mbetet në rrugën drejt BE-së dhe populli me zërin e tij tregoi se cila është rruga dhe se nuk ka alternativë tjetër. Prandaj ne nuk kemi zgjidhje tjetër përveç që t’i kërkojmë të gjitha opsionet për të arritur zgjidhje për çështjet e hapura me Bullgarinë për të filluar procesi i negociatave për anëtarësim me BE-në”.
“Unë thash, ne jemi ndërtues, ndërtojmë miqësi. Ne nuk dëmtojmë rajonin, ne jemi popull paqedashës. Politika e shtetit është vërtetë evropiane dhe pranuam dialog për çështjet të cilat mund të bisedojmë. Në pjesën e përshpejtimit të zbatimit të Marrëveshjes për miqësi dhe fqinjësi të mirë, në pjesën e zbatimit të qëndrimeve të arritura bashkërisht Komisioni për çështje historike dhe arsimore në pjesën e teksteve shkollore në Bullgari dhe në Maqedoninë e Veriut. Bëmë plan veprimi, klauzola të caktuara i kthyem në memorandum, deklarata”.
“Por, ka diçka për të cilën nuk negociohet, siç janë çështjet e identitetit. Vetpërcaktimi i përket çdonjërit. Ajo që u përket të gjithëve, si maqedonasve dhe të gjithë popujve tjerë evropian”, tha Zaev./Telegrafi/