Kryeministri dhe kryetari i LSDM, Zoran Zaev sonte deklaroi se “kemi koalicion prej 68 deputetësh, nëse i heqim 10 deputetët e BDI-së kemi 58, domethënë nuk kemi 61”.
“Nuk është aq e thjeshtë. Subjektet serioze politike kanë qasje serioze për të gjitha problemet, së pari gjenden arsyet, së dyti japin përgjigje para opinionin dhe së treti japin përfundime që nëse janë bërë gabime, të njëjtat të mos përsëriten”, tha Zaev, njofton Telegrafi Maqedoni.
Ai shtoi se nënkryetari i LSDM-së, Muhamed Zekiri ka funksion serioz në parti dhe se duhet të shqyrtohen të gjitha argumentet edhe nga Zekiri dhe nga të gjithë deputetët tjerë.
“Të dëgjojmë partnerin tonë, BDI-në, që në fund të sjellim konkluzione”, tha Zaev./Telegrafi/
