Kryeministri Zoran Zaev në ‘Facebook’ ppërkujtoi se sot është Dita Ndërkombëtare Kundër Korrupsionit. Sipas Zaev korrupsioni dhe keqpërdorimet politike janë armiqtë e qytetarëve dhe të sundimit të së drejtës.
“Korrupsioni i vjedh qytetarët, shkatërron shtetin e së drejtës dhe i dobëson institucion dhe rrezikon demokracinë duke krijuar mosbesim te qytetarët”, shkruan Zaev.
Ai shtoi se drejtësia, barazia dhe liria janë viktimat e para të keqpërdorimeve politike dhe të korrupsionit.
“Pikërisht për këtë, me vendosjen e standardeve evropiane për luftimin e korrupsionit, Qeveria lufton përmes transparencës, mbrojtjes së lirive të medias, mbështetjes institucionale për Komision të pavarur kundër korrupsionit”, shkruan Zaev./Telegrafi/
