Kryeministrat e Maqedonisë dhe Greqisë, Zoran Zaev dhe Alexis Tsipras biseduan për orë të tëra në telefon, njoftojnë mediat greke, përcjell Telegrafi Maqedoni.
Sipas shkrimeve, Zaev dhe Tsipras kanë folur në orën 15:00 (me kohën greke) dhe biseduan për rreth një orë.
Detaje të komunikimit nuk janë të njohura për momentin. Është mësuar vetëm se biseda u zhvillua në një atmosferë pozitive. Thuhet se është dakord që nesër në mëngjes që të dy kryeministrat do të bisedojnë përsëri për të rifilluar bisedimet.
Sot më herët, kryeministri Zoran Zaev shprehu sot shpresë se së shpejti do të arrihet marrëveshja për kontestin me emrin në mes Maqedonisë dhe Greqisë dhe se kjo mund të ndodhë para takimit të Samitit të BE-së të caktuar për 28 dhe 29 qershor.
Ai vuri në dukje se është e rëndësishme të arrihet një zgjidhje cilësore që do të mbështetet ligjërisht, dinjitoze dhe të ruajë identitetin, sepse kjo zgjidhje duhet të ketë gjithashtu një përgjigje pozitive tek qytetarët e vendit të cilët duhet ta deklarojnë atë përfundimisht referendum. /Telegrafi/