Nuk kanë të ndalur fitoret për Z Mobile Prishtinën. Skuadra kryeqytetase ka fituar me rezultat 128-52 kundër Boresë.
Në ndeshjen e zhvilluar në Pallatin e Rinisë dhe Sporteve, nikoqirët e nisën fuqishëm çerekun e parë të lojës (35:13).
Në dhjetëminutëshin e dytë, kryeqytetasit ishin akoma më të fortë duke i shënuar 39 pikë, ndërsa pranoi vetëm tetë sosh.
Edhe pas kthimit nga pushimi, vendasit nuk lëshonin pe dhe vazhdonin ta dominojnë sfidën (24:8).
Pas triumfit edhe në çerekun e fundit (30:23), bardhekaltrit e fituan takimin me 76 pikë epërsi.
Z Mobile Prishtina vazhdon kryesimin në Superligën e Kosovës në basketboll me 24 fitore të regjistruara në po aq ndeshje të zhvilluara.
Borea është e fundit në tabelë me vetëm tri fitore të arritura, teksa ka humbur në 21 ndeshje. /Telegrafi/