Këngëtarja e njohur nga Gjakova, Yllka Kuqi, e ka përmbyllur edhe një tjetër vit të suksesshëm në karrierën e saj.
Viti 2017 i solli asaj shumë këngë e hite ,pjesëmarrje nëpër koncerte të ndryshme, gjersa gjatë fundvitit nuk mungoi edhe me paraqitjet e saj nëpër programet e Vitit të Ri.
E njëjta është mjaft aktive edhe në rrjetet sociale, përmes së cilave publikon fotografi të ndryshme nga paraqitjet e saj skenike.
Jo të rralla janë rastet kur këngëtarja Kuqi preferon të ndajë me fansat edhe ndonjë imazh nga jeta e saj emotive.
Së fundmi, ajo ka publikuar një video në InstaStory, ku shfaqet mjaft romantike teksa puth bashkëshortin e saj, muzikantin Astrit Pallaska.
“2018” kishte shkruar Yllka në mbishkrimin e videos, me çka ka lënë të kuptohet se ka dashur t’iu urojë të gjithëve Vitin e Ri me një video më ndryshe se herët tjera, ku shfaqet mjaft romantike, duke transmetuar vetëm dashuri. /Telegrafi/
