Këngëtarja e njohur Yllka Kuqi së shpejti do të publikojë projektin e saj më të ri muzikor, këngën dhe klipin “Fale”.
Muzikën dhe tekstin e këngës së re, këngëtarja ia ka besuar Xhulios dhe Angjelos, ndërsa orkestrimin e ka kryer në studion e Florent Boshnjakut.
Klipi publikohet të dielën, gjersa përmes rrjeteve sociale, Yllka i ka prezantuar fansat me disa fotografi nga klipi i saj i ri.
Edhe këtë radhë, si çdo herë tjetër, ajo do të paraqitet mjaft joshëse dhe atraktive, me disa veshje të punuara nga Albina Dyla.
Klipi “Fale” është punuar nga produksioni XL Films. /Telegrafi/
