Këngëtarja nga Gjakova, Yllka Kuqi vazhdon të mbetet njëra ndër artistet më të kompletuara shqiptare.
Ajo është shumë e pëlqyer nga publiku për këngët e saj, ndërsa përveç muzikës, ajo merret edhe me Psikologji, shkruan Telegrafi.
Prej vitesh Yllka është e martuar dhe jeton së bashku me bashkëshortin në qytetin e saj të lindjes, Gjakovë.
Bashkëshorti i këngëtares nuk është edhe një emër shumë i panjohur për publikun, veçanërisht për qytetarët e Gjakovës.
Astrit Pallaska, i cili njëherësh është edhe drejtor i shkollës së muzikës “Prenk Jakova”, u martua me këngëtaren Kuqi gjashtë vite më parë.
Yllka është shumë e dashuruar pas burrit të saj, dhe këtë më së miri e ka treguar përmes disa fotografive të tij, të publikuar në InstaStory.
Në njërën nga fotot, ajo e quan Astritin si “dirigjentin e saj”, ndërsa në imazhin tjetër shkruan se “Gentelmani-i është këtu”.
Çifti mesa duket po e shijojnë akoma më së miri njëri-tjetrin, teksa ende nuk kanë vendosur se kur do të bëhen prindër. /Telegrafi/
