Këngëtarja shqiptare me famë botërore, Rita Ora, është vënë së fundmi në fokusin e paparacëve të gazetës britanike, The Sun, të cilët kanë raportuar mbi një natë të kaluar me atë që supozohet nga ata të jetë i dashuri i saj i ri.
Ylli i famshëm i televisionit, Joey Essex u drejtua në apartamentin e këngëtares shqiptare, Rita Ora, në orën 4:00 të mëngjesit pas një nate të këndshme me këngëtaren.
Çifti, të dy 29 vjeçarë, më pas kaluan 13 orët e ardhshme duke pushuar së bashku, përpara se Joey të largohej duke kërkuar kënaqësi me veten e tij pasditen e djeshme, shkruan The Sun.
Ata ishin përpjekur ta fshehnin faktin që po takoheshin me njëri-tjetrin mbrëmjen e së enjtes, duke ardhur secili ndaras me veturë e vet.
Por ata udhëtuan së bashku në orët e para të mëngjesit për në rezidencën e poshtme të Ritës në Holland Park, në Londrën Perëndimore.
Një burim i tha The Sun: “Rita dhe Joey dukeshin shumë të qetë dhe të lumtur në shoqërinë e njëri-tjetrit”.
“Ata ishin duke buzëqeshur ndërsa ndihmonin njëri-tjetrin për të dalë nga një veturë dhe ngazëlloheshin në apartamentin e saj natën”, tregoi më tej burimi.
Më herët Rita tregoi figurën e saj trupore të tonifikuar, ndërsa performoi në klubin e anëtarëve të Laylow afër lagjes Notting Hill në Londër.
Joey ishte gjithashtu atje, i veshur me një xhaketë të markës “Louis Vuitton”.
Kur Rita u largua në orën 1:40 të mëngjesit me një veturë për në klubin “Box Soho” në qendër të Londrës, Joey shkoi atje pesë minuta më vonë.
Aty, dyshja u vërejtën duke parë cigare dhe duke biseduar me duhanpirësit.
Por ata u larguan pas disa orësh së bashku me veturën e Ritës për udhëtimin drejt apartamentit të saj. Xhentelmeni Joey doli i pari dhe mbajti hapur derën e Mercedesit të bardhë të Ritës, e cila më pas doli nga vetura e saj.
Burime pranë Ritës këmbëngulin se nuk ka asnjë lidhje romantike mes tyre. Por dëshmitari tha mbrëmë: “Ata dukeshin vërtet të lumtur së bashku”.
Ky takim i këngëtares shqiptare vjen pak kohë pasraportimeve se ajo u nda nga ish-i dashuri, aktori Rafferty Law, me të cilin është koleg në filmin e ri “Twist”, që do të publikohet së shpejti. /Telegrafi/
