Sulmuesi i Real Madridit, Rodrygo Goes, filloi si titullar të mërkurën mbrëma në Superkupën e Evropës dhe nuk luajti keq në fitoren 2-0 ndaj Atalantës.
Në përgjithësi, mediat spanjolle kanë krijuar akronime për treshen e parë të Barcelonës dhe Real Madridit, por ishte ‘BMV’ në ballinën e gazetës Marca të premten në mëngjes: Jude Bellingham, Kylian Mbappe dhe Vinicius Junior.
Nuk kishte asnjë shenjë të Rodrygos. Ai ka qenë padyshim lojtari që shumica e njerëzve e kanë vënë në dukje si viktimën e ardhjes së Mbappes, duke e parë potencialisht atë të largohet nga ekipi. Carlo Ancleotti tregoi këtë javë se të katër mund të paraqiten, por mbetet për t’u parë nëse do të jetë kështu.
Megjithatë, ai nuk do të shkojë askund këtë verë. Pavarësisht se menaxheri i Manchester City, Pep Guardiola e admiron shumë lojtarin, kampi i Rodrygos i ka thënë mediumit Cadena SER se ai nuk do të largohet këtë verë dhe nuk dëshiron të fitojë trofe askund tjetër, qoftë City apo ndonjë klub tjetër.
Kjo mbështetet nga eksperti i transferimeve Fabrizio Romano, i cili i ka thënë për Caught Offside se është plotësisht i fokusuar te Real Madrid dhe nuk ka bisedime me klube të tjera.
Kjo vjen pak më shumë se 24 orë pasi ish-drejtori sportiv dhe legjenda e klubit Predrag Mijatovic parashikoi shitje të mëdha në verën e vitit 2025.
Duke pasur parasysh numrin e talenteve sulmues në skuadër, duket sikur të paktën një ose dy do të shohin më pak kohë ndeshjeje sesa do të dëshironin, gjë që përgjithësisht çon në lëvizje – edhe nëse nuk është këtë verë. /Telegrafi/