Daniel Radcliffe ka mirëpritur fëmijën e tij të parë me partneren prej shumë vitesh, Erin Darke.
Ylli i “Harry Potter”, 33 vjeç, i cili ka qenë në një lidhje me aktoren amerikane, 38 vjeçe për më shumë se një dekadë, u shfaq në një shëtitje me karrocë të hënën në New York.
Daniel u fotografua me një kapelë bejsbolli blu të errët dhe një maskë mbrojtëse për fytyrën.
Nëna e re, Erin kishte veshur një bluzë të zezë dhe xhinse me një pallto kadifeje jeshile dhe çizme portokalli të ndezura.
Çifti u takua ndërsa punonin së bashku në dramën “Kill Your Darlings” në 2012 dhe janë së bashku për më shumë se një dekadë.
Në vitin 2020, Daniel i tha revistës People për herën e parë që takoi Erin, duke thënë: “Do të jetë një histori e tmerrshme t’u tregojmë fëmijëve tanë një ditë për shkak të asaj që personazhet tanë bëjnë me njëri-tjetrin”, duke iu referuar një skene seksi që çifti bëjnë në film.
Një zëdhënës i yllit të famshëm konfirmoi në mars se çifti ishte në pritje të fëmijës së tyre të parë.
U tha se dyshja ishin ‘absolutisht të emocionuar’ për perspektivën për t’u bërë prindër. /Telegrafi/
