Ashtu siç ka paralajmëruar, artisti Ylli Limani, ka paralajmëruar një koncert madhështor.
Një ëndërr e bërë realitet nga këngëtari i njohur po vjen në AMC Hall në Obiliq për fundvit.
Këtë e ka njoftuar me anë të një postimi të shpërndarë në rrjete sociale, gjegjësisht Instagram.
“27 dhjetor, AMC Hall – një natë që s’ka me u përsërit. I vetmi koncert i jemi në Prishtinë për këtë fundvit, një ëndërr që më në fund po bëhet realitet”, ka shkruar ai.
Tutje, krijuesi i hitit “Kanë me tu kujtu” i bëri thirrje të gjithëve që të vijnë në këtë event.
“Hajde me shoqëri, hajde me familje, hajde me krejt ata që e duan muzikën time. Kjo natë është e jona. Po ju pres”, shtoi tutje.
Biletat vlen të ceket se do të dalin në shitje ditën e sotme (e mërkurë) në Rave Travel.
Ylli ka realizuar ndër vitesh hite të shumta dhe nuk ka dyshim se do të jetë një mbrëmje magjike. /Telegrafi/