Disa prej yjeve më të famshëm të Hollywoodit po shijojnë aktualisht brigjet e detit Adriatik, më konkretisht ata po pushojnë afër Dubrovnikut.
Mediat vendore atje kanë raportuar për një numër të madhe këngëtarësh dhe aktorësh që kanë zgjedhur si destiancion për pushime pikërisht Kroacinë.
Matthew McConaughey, Chris Rock, Sacha Baron Cohen, Woody Harrelson, Lake Bell, Aziz Ansari janë disa nga emrat që ndodhen atje.
Kjo mund të vihej re edhe nga një foto me stafin e restorantit Gveroviq-Orsan në Zaton, i njohur për specialitetet e peshkut.
“Ishte kënaqësia jonë”, shkruan restoranti në mbishkrimin e fotografisë së publikuar në Instagram.
Në foto, Chris Rock dhe Lake Bell që së fundmi u raportuat se kanë nisur romancën mund të shihen të përqafuar me një buzëqeshje në fytyrat e tyre.
Theksojmë që në shtetin kroat gjithashtu po qëndron edhe reperi i njohur, Sean Diddy Combs i cili javë më parë u nderua me çmimin për arritje jetësore në “BET Awards”.
Reperi u filmua teksa mbërriti në një jaht të ankoruar pranë Splitit, ku bashkohet me Matthew McConaughey, Woody Harrelson, Chris Rock dhe të tjerëve.
Ndërkohë, çifti i famshëm David dhe Victoria Beckham bashkë me fëmijët e tyre ishte për fundjavë në brigjet e shtetit kroat për një pushim familjar. /Telegrafi/