Kompania kineze Xiaomi përveç që shet një numër të madh të pajisjeve të tjera elektronike, ajo tashmë po shet edhe biçikleta elektrike.
Kompania ka sjellë një biçikletë të re elektrike të palosshme. Biçikleta e re nga Xiaomi është pasardhësi i “e-bike-it” të prezantuar në 2016 dhe vjen me një numër risish, raporton M yDrivers, transmeton Telegrafi.
Ndryshimi më i dukshëm ka të ngjarë të jetë në gomat e saj. Ato tani kanë një diametër 20 inç, paraardhësi i kishte vetëm 16 inç. Për shkak të gomave më të mëdha, ndjenja e përgjithshme e drejtimit ka të ngjarë të jetë dukshëm më e mirë.
Shpejtësia maksimale e biçikletës elektrike është 25 kilometra në orë.
Detaje tjera teknike lidhur me biçikletën nuk janë bërë të ditura.
Ashtu si paraardhësi i tij, Qicycle e re është shumë e lirë në krahasim me produktet konkurruese. Pra, shitet për pak më shumë se 380 euro. /Telegrafi/
