Banori i radhës që u largua nga Big Brother VIP Albania është Xhonatan Islami.
Ai qëndroi pak ditë brenda shtëpisë, por që kishte thyer një nga rregullat dhe për këtë ‘Vëllai i Madh’ e dërgoi direkt në nominim.
Pasi shkoi në studio, Xhoni e mësoi se bileta e tij ishte kthyese dhe se do të rikthehej sërish në shtëpi për të garuar për çmimin e madh prej 100 mijë eurosh.
Në momentin që e kuptoi, ai u shpreh tejet i lumtur dhe doli menjëherë për t’u bashkuar me konkurrentët e tjerë.
Në spektaklin e së martës (24 janar) theksojmë se nga BBVA u largua banori Eni Tare.
Për më shumë se një muaj, ky reality shou ka dhuruar emocione të mëdha, debate e zënka të shumta.
Banorët po vazhdojnë të jenë shumë të komentuar për çdo lëvizje që bëjnë brenda shtëpisë së famshme. /Telegrafi/
