Pak javë më parë, mediat rozë ishin pushuar me lajmin se Xhensila Myrtezaj dhe bashkëshorti i saj, Bes Kallaku, ishin në pritje të fëmijës së tyre të parë.
Ndërkohë që qarkulloi disa ditë në formën e një thashethemi, më në fund çifti simpatik shqiptar, përmes postimeve të bërë në rrjetet sociale përkatëse, konfirmuan pritjen e ëmbël.
Xhensila dhe Besi, të cilët kurorëzuan dashurinë e tyre shtatorin e këtij viti, janë në pritje të një vajze.
Ky lajm i gëzueshëm, i cili ka lumturuar sigurisht fansat e dyshes, ka bërë gjithashtu që Xhensila të rikthehet në qendër të vëmendjes me dedikimin e saj të ëmbël për bashkëshortin, “Çelsi i zemrës”.
Falë mbështetjes së fansave, kjo këngë, e cila është publikuar në muajin dhjetor, ka mundur të bëhet pjesë e listës pikërisht këtë javë, duke zënë vendin e 53-të.
Ky projekt muzikor, i cili shpreh dashurinë e bukur që ekziston mes çiftit të famshëm, duket se ka shtyrë fansat që pas këtij lajmi të bukur, ta dëgjojnë dhe votojnë në “The Top List”.
Xhensila dhe Besi janë prej çifteve më të dashura të publikut shqiptar. /TCH/