Pas një nate plot emocione dhe vendime të rëndësishme, janë zbuluar finalistët e Big Brother VIP Kosova.
Xheneta, Sara, Vullneti dhe Xuxi janë emrat më të rinj që i bashkohen finales së madhe, duke kompletuar grupin e garuesve që do të luftojnë për çmimin e madh.
Ndërkohë, Driloni, i cili u shpall finalisti i parë javën e kaluar, do të jetë gjithashtu pjesë e garës për çmimin e madh.
Të pesë finalistët kanë fituar mbështetje të madhe nga publiku, duke bërë këtë një nga finalet më të pritura të këtij formati.
Nga ana tjetër, Leo, Gresa dhe Drenusha nuk arritën të sigurojnë një vend në finale, duke u eliminuar gjatë mbrëmjes.
Shumë prej fansave të tyre u shprehën të zhgënjyer për largimin e tyre, por i përshëndetën me vlerësime për performancën dhe lojën e tyre brenda shtëpisë.
Tani, loja hyn në fazën e saj përfundimtare. Me një grup të fortë finalistësh, përplasjet, emocionet dhe surprizat janë të garantuara.
Publiku ka fjalën përfundimtare për të zgjedhur fituesin e këtij sezoni të jashtëzakonshëm të Big Brother VIP Kosova. /Telegrafi/
