Një mbajtës i një bilete fatlume në Mbretërinë e Bashkuar ka fituar xhekpotin prej 214 milionë eurove të “EuroMillions”, duke u bërë fituesi më i madh ndonjëherë i lotarisë kombëtare të këtij vendi.
Numrat fitues ishin 3, 25, 27, 28 dhe 29, plus numrat me fat 4 dhe 9, raporton theguardian.
Një biletë përputhej me të shtatë numrat, ku fituesit i kanë takuar 214916266 euro.
Shifra është më e madhe se vlera neto e pasurisë së këngëtarit Ed Sheeran, aktorit Benedict Cumberbatch, ose pasuria e kombinuar e futbollistëve të Premier League, Harry Kane dhe Paul Pogba.
Është gjithashtu e mjaftueshme për të blerë katër ishuj të mëdhenj të Karaibeve ose shtëpi të shumta në lagjen luksoze “The Bishops Avenue” të Londrës, e njohur si një nga rrugët më të shtrenjta në botë.
Vetëm 14 lojtarë kanë fituar ndonjëherë një xhekpot prej më shumë se 116 milionë eurove, ku rekordi i deritanishëm kapte shifrat prej 198 milionë eurove ndërsa i bileta i takonte tetorit të vitit 2019. /Telegrafi/