Mesfushori kosovar, Granit Xhaka ka marrë një lajm të keq para ndeshjes me Manchester Unitedin.
24-vjeçari ka pësuar një lëndim në stërvitje dhe kësisoj ka humbur derbin e javës në Ligën Premier.
Mediat në Angli kanë raportuar se reprezentuesi zviceran ka pësuar një dëmtim në kavilje në stërvitje dhe kësisoj do të mungoj.
Ka qenë edhe trajneri francez i Arsenalit, Arsene Wenger që ka konfirmuar se Xhaka do të mbetet jashtë kësaj sfide.
“Mund të them se Xhaka do të mungoj në këtë takim. Ai ka dhimbje”, ka deklaruar Wenger.
Graniti ka zhvilluar 27 ndeshje këtë edicion me Arsenalin në Ligën Premier, duke shënuar një gol dhe duke dhuruar dy asistime.
Përpos ndeshjeve në Ligën Premier, Graniti ka zhvilluar edhe 13 ndeshje të tjera në gara si Liga e Kampionëve, Kupa FA dhe Kupa e Ligës duke shënuar dy gola të tjerë dhe duke asistuar në një tjetër. /Telegrafi/