Granit Xhaka ka shprehur lumturinë e tij në rrjetet sociale pas golit të shënuar ndaj Newcastle United.
Arsenali ka fituar në udhëtim te Newcastle me rezultat 1-2 në ndeshjen e vlefshme për javën e pestë në Ligën Premier.
Njëri nga golat në këtë ndeshje u shënua nga mesfushori me prejardhje shqiptare, Granit Xhaka.
Xhaka shënoi një supergol nga goditja e lirë, duke kaluar Topçinjtë në epërsi 0-1 në minutën e 49-të.
Goli ndaj Laraskave ishte i pari për reprezentuesin zviceran këtë sezon në Ligën Premier, teksa ka edhe një asistim.
Ky gol e ka bërë të lumtur Xhakën, i cili lumturinë e tij për golin dhe tri pikët e ka shprehur në rrjetin social Facebook.
“Xhakaboom është kthyer. Një gol dhe më e rëndësishmja tri pikë më bën shumë të lumtur sonte”, ka shkruar Xhaka në profilin e tij. /Telegrafi/
