Granit Xhaka ka shënuar një gol spektakolar në ndeshjen derbi mes Arsenalit dhe Manchester Unitedit.
Mesfushori kosovar ishte në dyshim për këtë sfidë pasi vuante nga një lëndim i pësuar në stërvitje.
Por trajneri Arsene Wenger rrezikoi dhe e inkuadroi në lojë, ndërsa Xhaka e shpërbleu besimin e francezit me një gol të mrekullueshëm.
24-vjeçari ka shfrytëzuar faqen e tij zyrtare në Facebook, të shkruaj një mesazh pas golit dhe fitores.
“XhakaBoom kthehet. Ne jemi Arsenal”, ka shkruar shkurtimisht prishtinasi.
‘Topçinjtë’ kanë triumfuar me rezultat të pastër 2-0 ndaj Manchester United duke mbajtur gjallë shpresat për një vend që i dërgon në Ligën e Kampionëve. /Telegrafi/
