Trajneri i Barcelonës, Xavi, u ka kërkuar tifozëve që të ndalojnë fishkëllimat negative ndaj Ousmane Dembele në Camp Nou.
Francezi ishte shumë i lidhur me një largim nga Katalunia në ditët e fundit të afatit kalimtar të janarit me kontratën e tij aktuale që skadon në fund të sezonit.
Megjithatë, pasi mbeti me klubin për muajt e fundit të sezonit, Dembele u vu në shënjestër nga tifozët si një zëvendësues i papërdorur në fitoren e tyre 4-2 në La Liga ndaj Atletico Madrid këtë fundjavë.
“Dembele nuk luajti për shkak të një vendimi teknik”, ka deklaruar Xavi për Marca.
“Kam menduar të luaj me të vonë, por kam vendosur kundër këtij opsioni, pas përjashtimit të Dani Alves dhe të siguroj fitoren”.
“Por, pavarësisht kësaj, unë do të doja që tifozët të mbështesin Ousmane. Ata e kanë mbështetur atë në të kaluarën dhe tani është koha për ta ndihmuar”.
“Unë kërkoj, ju lutem, që të ndalojnë së fishkëlluari Dembelen”, ka shtuar më tej strategu i Barcelonës. /Telegrafi/